काठमाडौं, १५ असोज । सरकारले परराष्ट्र सचिव शंकर दास वैरागीलाई मुख्यसचिव नियुक्त गरेको छ । विहीबार बसेको मन्त्रिपरिषद बैठकले वैरागीलाई मुख्यसचिव नियुक्त गरेको हो।
मुख्यसचिवमा राजीनामा दिएका लोकदर्शन रेग्मी बेलायतका लागि राजदूतका लागि सिफारिश भएका छन् । उनले आजै राजीनामा दिएका थिए । ३ कात्तिकमा सेवानिवृत्त हुने भएपनि वैरागीलाई मुख्यसचिव बनाउन उनको राजीनामा आएको हो ।
यसैगरी पूर्व अर्थमन्त्री डा. युवराज खतिवडा अमेरिकाका लागि राजदूत सिफारिश भएका छन् । खतिवडा तीन हप्ता अघि प्रधानमन्त्री केपी शर्मा ओलीका आर्थिक मामला विशेष सल्लाहकार नियुक्त भएका थिए ।