११ असार २०७८, शुक्रबार

मूल्य चुक्नु चुकाउनु, के नै छ र?(गजल)

kamdardainik.com (First, Fast & Accurate)

-शर्मिला पौडेल

म त मेरै पाइलामा थिएँ, गलत बाटो मोड्नु थियो
पात जस्तै कमजोर न कि, जरा झै नाता जोड्नु थियो

 

कुनै नौलो आशा थिएन मुस्कुराउनु त हो जीवन
आफ्नै ताना र गानामा बिघ्न बाधा फोड्नु थियो

 

तिम्ले टेक्ने धरातलमा म नगन्य कण झै सधैं
हे ईश्वर आफ्नो अन्तरात्माको अज्ञान तोड्नु थियो

 

टाढा कुनै क्षितिजमा पनि स्वर्णिम सपना देख्ने म
भक्ती र भावनाको सत्मार्गमा बगैंचा गोड्नु थियो

 

मूल्य चुक्नु चुकाउनु, के नै छ र? गुन को बदलामा
दिन त के नै सक्छु र सद्भाव्को प्रार्थना छोड्नु थियो

Leave a Reply

Your email address will not be published. Required fields are marked *