काठमाडौं, २७ चैत्र। आपतविपद्मा एकअर्कामा सहयोग गर्ने ‘मानाथी’को प्रचलन हराइसकेको अवस्थामा यहाँको वाग्मती नगरपालिकाले सो प्रचलनलाई शुरुआत गरेको छ । कोभिड–१९ को सम्भावित जोखिम हुन नदिन लकडाउन जारी गरिएपछि समस्यामा परेका अति विपन्न परिवारलाई खाद्यन्न सहयोग गर्न मानापाथी अभियान शुरु गरेको नगर प्रमुख भरतकुमार थापाले जानकारी दिनु भयो । बिहीबारदेखि सुरु भएको सो अभियानमा प्रदेशसभा सदस्यदेखि खानेपानी उपभोक्ता समितिसम्मले सहयोग गरेको नगरपालिकाले जनाएको छ । प्रदेशसभा सदस्य डिल्लीप्रसाद उपे्रतीले ५ क्विन्टल चामल, तथा ढुंगे्रखोला बृहत खानेपानी उपभोक्ता समितिले बीस क्विन्टल चामल, १ क्विन्टल दाल र २ क्विन्टल नुन प्रदान गरेको छ । यसैगरी रामजानकी साना किसान कृषि सहकारी संस्था धरहराले १५ हजार १०५ रुपैयाँ नगद प्रदान गरेको नगरपालिकाले जनाएको छ । नगरपालिकाले विपन्न परिवारलाई खाद्यान्न समस्या नहोस् भन्नाका लागि सो अभियान थालनी गरेको र अभियान जारी रहेको जनाएको छ ।
२०८२ मंसिर २९