बिक्रम , दक्षिण कोरिया ।
मिस तामाङले अभिनय गरेको ‘जिन्दगी भद्रगोल’ गीत सार्वजनिक भएको छ । शनिबार ‘जिन्दगी भद्रगोल’ बोलको गीत फ्याफुल्ला नेपाल युट्युबमार्फत सार्वजनिक गरिएको हो। देवराज स्याङतानको शब्द, कोसिस थोकरको सङ्गीत, सानूबाबू घिसिङको एरेञ्ज रहेको गीतमा जितु लोप्चन र हिरा लामाको स्वर रहेको छ भने राजु थिङको निर्देशन रहेको गीतको भिडियोमा मिस तामाङ २०२१ विजेता सफलता थिङ तामाङ, पाल्देन लामा र विशाल तामाङको अभिनय रहेका छन्। बज्र ङेसुरले खिचेको भिडियोलाई किरण ब्लोनले सम्पादन गरेका हुन्।तामाङ म्युजिक भिडियो क्षेत्रले मिस तामाङ २०२१ का विजेता सफलता थिङ तामाङलाई मोडलको रुपमा पाए संगै तामाङ म्यूजिक भिडियो क्षेत्र अझ फराकिलो बन्दै गएको छ ।
मिस तामाङ कामदार दैनिक सँगको कुराकानीमा भन्नुहुन्छ “कुनैपनि क्षेत्रमा हात हाल्नुअघि त्यसबारे गृहकार्य जरुरी हुन्छ। अहिले तामाङ कलाकारिताको लागि गृहकार्य गरिरहेकी छु ।सामाजिक र सन्देशमूलक कथा तथा म्युजिक भिडियोमा काम गर्ने रहर भएको र मिस तामाङ 2021 को बिजेता बने सँगै थपेको तामाङ भेष, भुषा, भाषा तथा संस्कृतिको संरक्षण तथा सम्बर्द्धन गर्ने जिम्मेवारी बहनका साथै रुचि पनि रहेकोमा आफ्ना भोगाइसँग मेल खाने पहिलो म्युजिक भिडियो भएकोले यहाँहरुले मन पराईदिनुहुनेछ भनि आशावादि छु।
पहिलो अनुभव भएकोले आफुले सक्दो गरेतापनि मेरा केहि कमि कम्जमेरिहरु होलान । यसर्थ यहाँहरुको सल्लाह सझावलाई हृदयाँगमन गर्नेछु । र यस क्षेत्रलाई मैले अाफ्नो जिम्मेवारी बहनको एक प्ल्याटफर्मको रुपमा लिएको छु । साथै अाफ्नो रुचि पनि भएकोले निकै हर्षित पनि छु” ।
भिडियो :
