भैरहवा (रुपन्देही), ४ कात्तिक : भैरहवामा जारी बिपी मेमोरियल कप–२०२४ टी–२० क्रिकेट प्रतियोगिताअन्तर्गत आज भएको खेलमा बङ्गलादेशको साइक क्रिकेट एकेडेमी विजयी भएको छ । उसले पाकिस्तानको जावेद इन्टरनेशनल क्रिकेट एकेडेमीलाई २४ रनले पराजित गरेको हो ।
जावेद इन्टरनेशनल एकेडेमीले टस जितेर साइक क्रिकेट एकेडेमीलाई पहिला ब्याटिङ्गको निम्तो दिएको थियो । उसले १९ दशमलव ५ ओभरमा सबै विकेट गुमाउँदै एक सय ४७ रन बनाएको थियो । साइक क्रिकेट एकेडेमीका लागि मुलरले ४६ रन बनाए । यस्तै मुनिम शहरियारले २७ तथा सौरभले २५ रन बनाए ।
बलिङ्गतर्फ जावेद इन्टरनेशनल एकेडेमीका रिसभ जोशीले तीन तथा इमरान नाजिर र अब्बास अलीले दुई दुई विकेट लिए ।
एक सय ४८ रनको लक्ष्य पछ्याएको मैदान छिरेको पाकिस्तानको जावेद इन्टरनेशनल एकेडेमीले १८ दशमलव ५ ओभरमा सबै विकेट गुमाउँदै एक सय पाँच रन मात्रै बनाउन सक्यो । उसका लागि अली हुसेनले ३४, जीम खानले १९ र शामूनले १८ रनको योगदान दिए । बलिङतफए साइक क्रिकेट एकेडेमीका लागि सोमराजले तीन तथा रकिब र मुलरले दुई दुई विकेट लिए ।
प्रतियोगिताको विजेता टोलीले रु पाँच लाख र उपविजेताले रु तीन लाख पुरस्कार प्राप्त गर्नेछन् ।
