काठमाडौँ, १२ पुस : नेपाल कम्युनिष्ट पार्टी (एकीकृत समाजवादी) का अध्यक्ष माधवकुमार नेपालले भारतका पूर्वप्रधानमन्त्री डा मनमोहन सिंहको निधनप्रति दुःख व्यक्त गर्नुभएको छ ।
उहाँले आज एक शोक सन्देश जारी गर्दै भारतको आर्थिक विकासका परिकल्पनाकार एवं अर्थशास्त्री डा सिंहको निधनबाट नेपालले असल मित्र गुमाएको बताउनुभएको हो ।
पूर्वप्रधानमन्त्रीसमेत रहनुभएका अध्यक्ष नेपालले नेपाल र भारतको आपसी हितका विषयमा सिंहसँग भएका भेटवार्ताको स्मरण गर्दै उहाँको निधनले भारतका लागि मात्र नभई सम्पूर्ण विश्व समुदायको लागि ठूलो क्षति पुगेको उल्लेख गर्नुभयो ।
सिंहको निधनको खबरले आफूलाई अत्यन्त दुःखी तुल्याएको बताउँदै उहाँले आफू र आफ्नो पार्टीका तर्फबाट सिंह परिवार, भारतका प्रधानमन्त्री, भारत सरकार र भारतीय जनतामा समवेदना प्रकट गर्नुभयो । सिंहको ९२ वर्षको उमेरमा निधन गएराति निधन भएको हो ।
—
