सोमित अधिकारी
इस्तानबुल, २८ जुलाई २०२५ — गैरआवासीय नेपाली संघ (एनआरएनए) टर्कीले एनआरएनए सचिवालयको सहयोग र समन्वयमा आफ्नो वार्षिक साधारण अधिवेशन इस्तानबुलमा सफलतापूर्वक सम्पन्न गरेको छ। कार्यक्रममा नयाँ राष्ट्रिय समन्वय परिषद् (एनसीसी) को निर्वाचन सम्पन्न गरिएको थियो। साथै, उक्त अधिवेशनमा एनआरएनए अन्तर्राष्ट्रिय समन्वय परिषद् (आईसीसी) का प्रतिनिधिहरू, विभिन्न गैरसरकारी संस्था तथा शैक्षिक क्षेत्रका व्यक्तिहरूको समेत उपस्थिति रहेको थियो।
कार्यक्रममा एनआरएनए-आईसीसीका अध्यक्ष डा. वद्री केसीको विशेष उपस्थिति रह्यो। उहाँले निर्वाचन प्रक्रिया नजिकबाट अवलोकन गर्नुभयो र नवनिर्वाचित समितिलाई हार्दिक बधाई दिनुभयो। उहाँले नयाँ नेतृत्वको सफल कार्यकालले टर्कीस्थित नेपाली समुदायको पहिचान र प्रभावलाई थप सशक्त बनाउने विश्वास व्यक्त गर्नुभयो।
डा. विनोद पौडेल एनआरएनए टर्कीका नयाँ अध्यक्षमा निर्वाचित हुनु भयो। उहाँले निवर्तमान अध्यक्ष उज्ज्वल कुमार घिसिङलाई प्रतिस्थापन गर्नुभयो, जो हाल एनआरएनए-आईसीसीका सदस्यको रूपमा कार्यरत हुनुहुन्छ।
नव निर्वाचित परिषद् यस प्रकार रहेको छ:
– वरिष्ठ उपाध्यक्ष: श्याम काल राई
– उपाध्यक्ष (महिला): मन्दिरा खत्री
– उपाध्यक्ष: दोर बहादुर खड्का
– महासचिव: मोहम्मद जावेद अन्सारी
– सचिव: श्याम पाण्डे
– कोषाध्यक्ष: भीमकान्त अर्याल
– उप–कोषाध्यक्ष: नसिमा खातुन (निसा)
– युवा संयोजक: अमृत थापा
– महिला संयोजक: पेम्बा शेर्पा
सदस्यहरू:
बिनोद तिवारी, महेश भण्डारी, कृष्ण बहादुर थापा, रमाया पौडेल, देवेन्द्र केरुङ, र दीपक थापा क्षेत्री।
सभाले समुदायमा आपसी सहकार्यको भावना झल्काएको थियो र समावेशी नेतृत्व, महिला तथा युवाको सशक्तिकरण, तथा स्थानीय संस्थाहरूसँग सहकार्यलाई प्राथमिकतामा राखिएको थियो। नव निर्वाचित परिषद्ले टर्कीमा बसोबास गर्ने गैरआवासीय नेपालीहरूको हक, हित र सहभागिता सुनिश्चित गर्न सक्रिय रूपमा काम गर्ने प्रतिबद्धता जनाएको छ।