बिक्रम, दक्षिण कोरिया
मकवानपुरे गायक तथा संगीतकार सुर्य रुम्बाको ‘प्रेमको रंग’ बोलको गीतको म्युजिक भिडिय रिलिज भएको छ । बैदेशिक रोजगारीको शिलशिलामा दक्षिण कोरिया रहेर पनि लामो समय देखि नेपाली सांगीतिक क्षेत्रमा सक्रिय गायक रुम्बाको गीत शनिबार जुम माध्यम (भर्चुयल मार्फत) रिलिज गरिएको छ ।
दक्षिण कोरियाको विभिन्न रमणीय स्थानमा छायांकन गरिएको म्युजिक भिडियोमा गायक रुम्बा र पारु स्याङतानको अभिनयलाई फिचरिङ गरिएको छ । गायक रुम्बाको स्वर अनि आरबी सिङ्तानको शब्द संगीत र एरेन्ज रहेको छ ।
शुभराज भोम्जनको निर्देशनमा तयार भएको म्युजिक भिडियोमा बिशालराज राईको सम्पादन, अमिर योन्जनको छायांकन, ज्योति लामाको मेकअप, गौतम गोलेले ड्रोन उडाएका थिए । म्युजिक भिडियो रुम्बा टिभीको अफिसियल युट्युब च्यानल मार्फत रिलिज गरिएको हो ।
पहिलो एल्बम ‘नाम’ बाट सांगीतिक क्षेत्रमा प्रबेश गरेका उनि पप गीत संगीत क्षेत्र, तामाङ भाषाको गीत, विभिन्न चलचित्रहरुमा समेत स्वर दिईसकेका छन् ।
भिडियो हेर्नुहोस् –