कामदार दैनिक
सौल / दक्षिण कोरिया ।
‘कला र संस्कृतिको सरंक्षण, प्रवर्दन र सम्मान: देशको प्रविधि विकासमा ईटा थप्ने हाम्रो अभियान ‘ भन्ने मुल नाराका साथ राष्ट्रिय आविष्कार केन्द्र सहयोगार्थ आउँदो जनवरी २८ २०२५ का तारिक (सलनालको पहिलो दिन) नेपाल मगर संघ किम्हे/बुसान शाखाको आयोजनामा दक्षिण कोरियाको मोफसल सहर बुसान/किम्हे शहरमा -किम्हे स्थित (김해시 활천로 294 은석홀 은석문 화 복지센터 ) सुविधा सम्पन्न हलमा “झोर्ले सांगीतिक सौगात भाग २” कार्यक्रम गर्ने भएको हो ।
नेपाली गीतसंगीतका विभिन्न विधाका चर्चित नेपाली राष्ट्रिय कलाकारहरुको बेजोड प्रस्तुति रहने जानकारी दिदै कार्यक्रम चुस्त, दुरुस्त र सौहार्दपूर्ण वातावरणमा सम्पन्न गर्न विभिन्न उपसमिति गठन प्रक्रिया, कार्यक्रमको ब्यापक तयारी भइरहेको र सम्पूर्ण जानकारी छिट्टै सार्वजनिक गरिने संस्थाका अध्यक्ष दिल तारमी मगरले बताए । उत्कृष्ट सांगीतिक प्याकेज मार्फत् मनोरञ्जनसँगै प्रवासबाटै देशको समुन्नति र विकासमा विशेष टेवा पुऱ्याउने प्रयासलाई कोरियामा रहेका नेपाली समुदाय जोडिने विश्वास गर्दै संस्थाका महासचिव असिम पुन मगरले सहयोगको निम्ति सम्पूर्णमा आग्रह गरेका छन् । यसभन्दा अगाडि २०१८ फेब्रुअरी १५ मा “झोर्ले सांगीतिक सौगात भाग १” ब्यापक रुपमा सम्पन्न गरेको बताउँदै यसपटक पनि उत्कृष्ट सांगीतिक प्याकेजसँगै अझ ब्यापक बनाउन कुनै कसर नराख्ने कार्यक्रम संयोजक धन सलामी मगरले जिकिर गरे ।
नेपाल मगर संघ किम्हे/बुसान शाखाले आयोजना गर्ने उक्त “झोर्ले सांगीतिक सौगात भाग २” लाई सभ्य र भव्य रुपमा सफल पार्न कोरिया स्थित सम्पूर्ण संघसंस्था एवं नेपाली दाजुभाई तथा दिदीबहिनीहरुमा आर्थिक, नैतिक र भौतिक रुपमा सहयोग गर्नुहुन र किम्हे क्षेत्रमा सो दिन अन्य कार्यक्रम आयोजना गरेर कार्यक्रम नजुधाई दिनुहुन आयोजक आयोजक संस्थाले हार्दिक अनुरोध गरेको छ ।
