खोटाङमा प्रथम बाँस सम्मेलन हुने

काठमाडौं । नेपालमा बाँसको उपयोगिताका बारेमा अध्ययन, अनुसन्धान र वैज्ञानिक बाँस खेतीको प्रवद्र्धना गर्ने उद्देश्यले आगामि फागुन १५, १६ र १७ गते खोटाङ जिल्लाको दिक्तेलमा प्रथम राष्ट्रिय बाँस सम्मेलन २०८१ को आयोजना गरिने भएको छ । बाँस सम्मेलन दिक्तेल रुपाकोट मझुवागढी नगरपालिकाले आयोजना गर्न लागेको आइतबार काठमाडौंमा आयोजित पत्रकार सम्मेलनमा जानकारी दिइयो । प्रथम राष्ट्रिय बाँस सम्मेलनको यस वर्षको नारा ‘जहाँ बाँस त्यहाँ जीवन, जहाँ जीवन त्यहाँ बाँस’ तय गरिएको छ । बाँस सम्मेलनमा बाँससँग सम्बन्धि विस्तृत जानकारी, उपयोगिता अर्थतन्त्रमा योगदान र बाँसको व्यवसायिक खेती, उद्यम प्रवद्र्धनका लागि छलफल, प्रदर्शनी तथा विज्ञहरुसहित बाँसका सम्भावना र चुनौतीका विषयमा कार्यशाला गोष्ठि लगायतका कार्यक्रमहरु गरिने दिक्तेल रुपाकोट मझुवागढी नगरपालिका प्रमुख तिर्थराज भट्टराइले जानकारी दिनुभयो ।