कामदार दैनिक संवाददाता
काठमाडौं।
मन्दिरको जग्गामा मस्जिद बनाइएकोमा नेपाल सनातन धर्म संस्कृति संगठनको ध्यानाकर्षण भएको छ । सुनसरी जिल्लाको इनरुवा वडा नं-८ कंसबडान स्थित अनेकौँ भक्तहरुको आस्थाको केन्द्र ऐतिहासिक प्राचीन लाटीमाई माताको मन्दिरमा जहाँ वार्षिक मेला पनि लाग्ने गरेको छ ।
उक्त मन्दिरले भोगचलन गरि आएको ठाउँमा मुस्लिमहरुले जबर्जस्ती मस्जिद बनाउन थालेको जसको मन्दिर समिति तथा स्थानीयहरुले पनि विरोध गर्दा स्थानीय निकायले वास्ता न गरेको तथा मुस्लिमहरुले शक्तिको गलत प्रयोग गरेर निर्माण कार्य जारी राखेकोले संगठनले विशेष आपत्ति सहित ध्यानाकर्षण गराएको छ।
यस्ता धार्मिक स्थलहरुमा पटक-पटक उपद्रो मच्चाई रहने विरोधीहरुको चलखेल बन्द गराउन तथा उक्त मन्दिर क्षेत्रमा मस्जिद बनाउने कार्य यथाशिघ्र बन्द गराउन र आगामी दिनहरुमा यस्ता कार्यहरु नगर्न र न गराउन नेपाल सनातन धर्म संस्कृति संगठनले सम्बन्धित निकाय संग जोडदार माग समेत गरेको छ।
