कोरिया स्थित स्याङ्जा परिवार थेगु शाखाले यही सेप्टेम्बर २९ मा दशैं धमाका “चौथो भलिबल कप २०२४” मैत्रीपूर्ण खुल्ला भलिबल प्रतियोगिता आयोजना गर्ने भएको छ । संस्थाले नेपालीहरुको महान् पर्व बडा दशैंको अवसर पारेर सम्भवत: यो सिजनकै अन्तिम प्रतियोगिता आयोजना गर्ने भएको हो ।
“राष्ट्रका लागि खेल, स्वास्थ्यका लागि खेल” भन्ने नाराका साथ कार्यक्रम आयोजना गरिएको सो मैत्रीपूर्ण खुल्ला भलिबल प्रतियोगिता थेगु खुजी स्थितको खेलमैदान (대구광역시 달성군 구지면 예현리 764-3) मा हुने संस्थाका अध्यक्ष मिलन राना मगरले बताए ।
सस्थाले हरेक बर्ष जस्तै यो पटक पनि भलिबल खेलको आयोजना गरेको र यस्ता खालको कार्यक्रमले नेपाली दाजुभाइ दिदिबहिनी हरुमा प्रदेशी भुमिमा आत्मियता अझ बलियो बनाउने र कामको तनाब बिर्साउन मद्दत गर्ने भएकोले सस्थाका सचिब आकास अधिकारीले सबै नेपाली हरुलाइ खेल अवलोकन गर्न उपस्थितिका लागि आह्वान गर्नु भएको छ ।
प्रतियोगितामा प्रथम र द्धितीय स्थान हासिल गर्ने टिमलाई आकर्षक ट्रफी, मेडल र प्रमाण पत्र सहित क्रमशः २५ लाख र १२ लाख र सान्तवना पुरस्कार स्वरुप दुई टीमलाई मेडल र प्रमाण पत्र सहित जनही ४/४ लाख कोरियन वोन प्रदान गरिने संस्थाका खेल संयोजक दिलेन्द्र थापा मगरले जानकारी दिए ।
संस्थाले स्थापनाकाल देखि हरेक परोपकारी कार्यमा आफ्नो उपस्थिति देखाउँदै अन्य संघसंस्थाहरुसँग निरन्तर सहकार्य र हातेमालो गरिरहेको सन्दर्भ उल्लेख गर्दै प्रतियोगिता सफल बनाउन मनकारी व्यक्ति र संस्थाहरुको सहयोग प्राप्त भईरहेको र अन्य शुभचिन्तकहरुबाट सहयोगको अपेक्षा रहेको संस्थाका संरक्षक रमेश मस्राङ्गीले स्पष्ट पारे ।
स्याङ्जा परिवार दक्षिण कोरियाद्धारा आयोजित उक्त दशैं धमाका “चौथो भलिबल कप २०२४” मा टिम दर्ता शुल्क ३ लाख कोरियन वोन रहेको, सेप्टेम्बर २२ तारिक साँझ ६ बजे संस्थाको आधिकारीक फेसबुक पेजमार्फत् लाईभ गोलाप्रथाद्धारा टाईसिट सार्वजनिक र खेल सेप्टेम्बर २९ तारिक दिन बिहान ८ बजेदेखि शुरु हुने संस्थाका प्रमुख सल्लाहकार विष्णु वाग्लेले थपे । सो प्रतियोगिता स्थलमा स्वादिष्ट नेपाली परिकारहरुको व्यवस्था समेत गरिएको आयोजक संस्थाले जनाएको छ ।
