राष्ट्रिय खेलाडी तथा अन्तराष्ट्रिय स्वर्ण पदक विजेता सोनम वलामी सम्मानित भएकाछन । नेकपा माओवादी केन्द्र थाहा नगर कमिटीद्धारा आयोजित थाहा नगरपालिका युवा सङ्गठनको कार्यक्रममा वलामीलाई सम्मान पत्र सहित नेकपा माओवादी केन्द्रका अध्यक्ष पुष्प कमल दाहाल’प्रचण्ड’सम्मान गरेका हुन ।
अन्तराष्ट्रिय खेलाडी वलामीले गत वर्ष श्रीलंकामा आयोजना भएको 10th I.S.K.D.J. Cup अन्तराष्ट्रिय कराते प्रतियोगतामा नेपाललाई स्वर्ण पदक दिलाएका थिए ।यस अघि पनि वलामीले बंगलादेश र भारतको मुम्वईमा भएको एशिया कप कराते प्रतियोगितामा स्वर्ण दिलाएक थिए भने,नेपालमा सम्पन्न भएको सगरमाथा अन्तराष्ट्रिय कराते प्रतियोगिता लगायत राष्ट्रिय तथा अन्तराष्ट्रिय कराते प्रतियोगितामा दर्जनौ पदक दिलाई सकेका छन । वलामी करिव दुई दशक देखि नेपाल सितोरियो कराते संघ ,शाखा डोजो नक्सालमा प्रशिक्षण गरिरहेका छन ।
